Iwan Jenkins

cinesioleg

Croeso

Rwy’n cynnig sesiynau cinesioleg yn ardal Aberystwyth.

Mae fy ffordd o weithio yn cyfuno hen ffyrdd a ffyrdd newydd o feithrin iechyd a llesiant, ac mae’n parchu natur a hanes unigryw pob unigolyn.

Gellwch ddod i’m gweld ar gyfer ymgynghoriad neu gallaf ymweld â chi yn eich cartref. Rwyf hefyd yn gweithio o bell – arlein a dros y ffôn.

Dyma wahoddiad

i ymdawelu, i sylwi ar lefel ddyfnach o ymwybyddiaeth ac i fod yn agored i bosibiliadau newydd.

 

Mae popeth wedi ei wneud o egni

ac mae modd gweithio’n fwriadol gyda’ch egni er mwyn trawsnewid eich byd.

Yno wrth eich ymyl

yn ystod sesiwn, byddaf yn eich cefnogi gyda dealltwriaeth berthnasol a thechnegau priodol.

 

Gan weithio gyda’n gilydd

ein nod yw adfer cydbwysedd ac asbri, er mwyn i chi gael mwynhau bywyd yn hyderus ac yn llawn!

Fy ffordd o weithio

Mae croeso i chi ddod ag unrhyw fater i’w ysytyried, boed hynny’n rhywbeth corfforol, emosiynol, meddyliol neu ysbrydol.

Byddwn yn archwilio sut mae’n effeithio arnoch, ac yn gweithio gyda’n gilydd i greu’r amodau priodol ar gyfer y canlyniad gorau.

Byddwn yn cyfeirio at  wybodaeth berthnasol o wahanol agweddau ar eich bywyd, gan ddefnydio technegau monitro’r cyhyrau i sicrhau ein bod ni ar y trywydd iawn.

Bydd y sesiwn yn rhwym o gynnwys rhai neu’r cyfan o’r elfennau canlynol: trafodaeth, ystyriaeth, cyffyrddiad llesol, symud ac ymlacio.

Wrth gyfarfod wyneb-yn-wyneb, dyma therapi sy’n defnyddio cyffyrddiad corfforol. Enghraifft o hyn fyddai dal pwyntiau penodol ar amrywiol rannau o’r corff, a hynny heb ofyn i chi ddiosg unrhyw ddillad.

Mae sesiwn arlein yn debyg iawn i sesiwn wyneb-yn-wyneb, ond mae’n hepgor yr elfen o gyffyrddiad corfforol ac efallai bydd gofyn i chi eich hunan ddal rhai pwyntiau penodol.

Yn wead o’r elefennau uchod a mwy, yn ei hanfod mae sesiwn yn gyfarfod rhyngom ni ein dau, yn awr wedi ei neilltuo ar gyfer gweithio’n fwriadol ar eich iechyd a’ch llesiant.

 

Geiriau gan fy nghleientiaid

Mae Iwan yn weithiwr egni medrus iawn sy’n gallu creu gofod clir ar gyfer newid personol dwfn. Mae ganddo dalent wirioneddol wych ac rwyf yn ei argymell yn fawr. Drwy weithio gydag Iwan, rydw i wedi dechrau cymryd camau cadarnhaol ymlaen ym mhob agwedd ar fy mywyd.
E.T.

Mae gan Iwan ddawn o gynnal man tawel a diogel ar gyfer iachâd dwfn ac mae ein sesiynau wedi bod yn anhygoel o effeithiol. Mae ei gefnogaeth wedi fy ngalluogi i gael gwared â hen broblemau, yn ymwybodol ac yn isymwybodol, ac mae dyfnder y gwelliannau y mae Iwan yn eu hwyluso wedi newid fy mhrofiad o fywyd yn sylweddol a’m canfyddiad ohonof fi fy hun.
K.S.

Mae pob un o’r sesiynau gydag Iwan wedi bod yn ddefnyddiol ac yn fuddiol. Beth bynnag fo’r broblem neu’r symptom, mae ei ddull sensitif ac amlochrog wedi fy arwain yn ddiogel at wraidd y broblem. Ni fyddwn yn meddwl ddwywaith cyn ei argymell, a byddwn yn annog pawb i roi cynnig arni!
F.J.

Mae Iwan wedi fy helpu’n aruthrol ac wedi bod yn gefnogol iawn, gan achub fy mywyd ar brydiau. Rwy’n teimlo’n gwbl ddiogel yn ei gwmni ac rwy’n ymddiried yn ei wybodaeth a’i arbenigedd, ei garedigrwydd a’i ostyngeiddrwydd, ond hefyd yn edmygu ei bersonoliaeth siriol. Ardderchog! *****
K.J.

Yn iachäwr medrus, mae Iwan yn reddfol ac yn sensitif, gyda gafael amlwg ar ofal a thosturi a ffordd o dawelu ystyriol a chysurus sy’n gwneud i mi deimlo’n ddiogel. Rwyf wedi gweld newidiadau amlwg ers cymryd rhan yn y sesiynau ac rwy’n aml yn gweld gwahaniaeth boddhaol iawn ynof fi fy hun.
B.R.

Diolch, Iwan, am dy arweiniad rhyfeddol, gan gynnig y lle i’m meddwl, fy nghorff a’m hysbryd ddod o hyd i’r ffordd tuag at wella a chydbwyso.
L.W.

Cymwysterau proffesiynol

Cinesioleg Greadigol

Dull Eden

Cysylltu

Iwan Jenkins BA MSc(Econ) EEM-CLP CKAP

Ffôn: 07962 222622

E-bost: iwan.jenkins@icloud.com